Og eg kunne dødd i dine arma her og no baby

TAUS er Oda Eirin Almeland (24) frå Voss. Ho lagar utadvendt og energisk vossapop med artige tekstar om å stela sjampo frå hotellet, klina med venninner og svømma med delfinar, framført av ei odelsjenta frå Voss.

Ordet taus betyr stille, men på vestlandet betyr det jenta.

På scena stiller TAUS med tre tauser i bandet på gitar, synth og frekke trommer.

TAUS EP UTE NO!

(+) Oppnådde ein draum: – Dette har eg jobba hardt forOda Eirin Almeland, med artistnamnet TAUS, er i svært godt sommarhumør om dagen. Snart syng ho for 16.000.

SETT FYR PÅ HIMLEN!

Fredag 30. mai kom TAUS med sin tredje singel Sett fyr på himlen!

Låta blei lista på New Music Friday, Ny pop og Made in Norway på Spotify. I tillegg er "Sett fyr på himlen" lista på NRK P1 gjennom heile sommaren!

Sett fyr på himlen er ei energisk og romantisk sommarlåt om ung kjærleik og fridom som får deg til å ville dansa heile natta, hoppa i havet med kleda på og råklina med sommarflørten i solnedgangen. Det er dette verda treng no – ein sommarhit full av kjærleik og positiv energi!

BY:LARM 2025

TAUS er plukka ut til å spela på Noregs største bransjefestival by:Larm 2025!

Kvart år samlar by:Larm sentrale bransjekolleger, agentar og landets fremste talentspeidarar for å lytta gjennom håpefulle musikalske søknadar om ein plass på plakaten til Nordens viktigaste musikkfestival.

I år fekk juryen inn over 1000 søknadar, der nivået var høgare enn nokon gong!

Her er årets demoartistar

VINNAR AV VESTLANDSSATSINGA 2025!

TAUS stakk av med sigeren av Vestlandssatsinga etter sin opptreden på 100 dagar festivalen, ein musikkbransjefestival på Stord. Dette gir TAUS ti honorerte festivaljobber ila sommeren 2025. Slik bidreg festivalane til å byggja CV og spele-erfaring for unge, lovande talent.

– Og det på svært overbevisande vis! Frå fyrste anslag satt vossajenta scena i flammar, og kasta seg rundt halsen på publikum. Intenst og oppslukande. Som å klina med sommaren. Dette er vossapop som boblar over av energi og sjarm. Snart kjem TAUS for å teikna eit digert smil på sola som dinglar over din favorittfestival!

(Pressemelding frå stiftinga musikkbransjetreffet 100 dagar)

ANGRA INGENTING PÅ A-LISTA

Angra ingenting og er no A-lista på NRK P1

I veke 17 vart Angra ingenting #3 på Topplista og TAUS vart den mest spelte norske artisten på radio i Norge.

Angra ingenting er ein uptempo låt med det filosofiske bodskapet om at det er betre å angra på det du har gjort, enn det du aldri gjorde.

Låta er skrive og produsert av Oda Eirin Almeland, Conor Patrick Johannessen og Erlend Angelsen.

TYVEN ER ÅRETS RADIOHIT!

24. mai 2024 slapp TAUS debutsingelen Tyven kor ho syng om å stela sjampoflaska frå hotellet for å ha eit minne etter ei romantisk natt, men han stjal hjarta hennar, og tok det med seg då han drog. Så kven er eigentleg den største tyven her?

Tyven hadde førpremiere på NRK P1 Hordaland, vart A-lista på NRK P1 nasjonal radio og endte opp som ein av dei topp ti mest spelte låtane på norsk radio i 2024! Både låta og artistprosjektet har fått anerkjennelse av artistar som Gabrielle og Unni Wilhelmsen.

Singelen har no blitt lytta til over 100.000 gongar på Spotify.

Tyven er skrive og produsert av Oda Eirin Almeland, Conor Patrick og Erlend Angelsen.